皆さん、こんにちは。タリークの日本語座のマリヤ厶です。
السلام عليكم ورحمة الله وبركاته، أنا مريم محيي وانت بتتفرج على كورس اللغة اليابانية من طليق.
درسنا المرة دي درس كانجي، تعال نبدأ ع طول ونراجع واحنا بنتدرب يلا بينا…
-
هنبدأ بالكانجي دا 火 من شكله كدا تفتكر معناه ايه؟ طب خليني أسهلهالك وشوف يشبه إيه من الصور دي …
🔥 🌊 🌱
بالظبط شبه النار 
متاخد من شكل نار متولعة على الخشب كدا .
ونار يعني ! ひ ودا الـ くんよみ.
وبيتكتب على أربع خطوات بالشكل دا ، الشرطتين الـ ف الأول دول وبعد كدا نفس خطوتين كانجي شخص …
لو حطينا كانجي نار جنب كانجي جبل 
بالشكل دا كدا火山
تفتكر هيبقى معناه ايه؟ 
تمام بركان かざん
فـ か الـ おんよみ بتاع كانجي نار火 ، وبرضو さん الـ おんよみ بتاع كانجي جبل山 بس ف كلمة بركان
بيتنطق ざん.
- بعد كدا معانا كانجي مياه水 … فاكر مياه كان معناها ايه؟
みず
كانجي みず جاي من شكل مياه نازلة كدا وقطرات المياه بتتناثر حواليها، ودا شكله وبيتكتب برضو في 4 خطوات، خلي بالك الخطوة التانية بتتكتب على مرة واحدة زي ما شايفين كدا …
ونطقみず هو الـ くんよみبتاع كانجي مياه .
تعال نشوف نطق الـ おんよみ في الكلمة دي水田 انت عارف الكانجي دا 田 حقل أرز ومعاه كانجي مياه تفتكر معناها إيه الكلمة دي!! حقل ارز برضو بس حقل ارز مغمور بالمياه ودا بيكون شكله، عشان حقول الأرز المزروعة بتكون المايه مرتفعة فيها كدا والكلمة دي نطقها すいでん .
すい الـ おんよみ بتاع الكانجي 水 و
でん الـ おんよみ بتاع الكانجي 田
- بعد كدا عندنا الكانجي دا 土 ومعناه أرض أو تربة وجاي من شكل الزرع وهو بينبت من الأرض ويكون لسه صغير كدا
.
أرض يعني つち ودا الـ くんよみ، وبيتكتب على 3 خطوات كدا، خلي بالك الخط الأولاني أقصر من الأخير…
يا ترى معناه إي الكانجي دا !金 حاول تخمن معناه من الرسم التصويري الـ جاي منه كدا !
عندنا جبل، والخط ال تحت دا الأرض عادي، ودا طريق جبلي ف الجبل عادي برضو، والخطين دول تعرجات في الجبل، كل دا تمام لكن اي الحاجتين دول؟ شكلهم كدا معدن في باطن الجبل ومن المعادن النفيسة كمان.
الكانجي دا 金معناه ذهب🪙، معدن في باطن الجبل زي ما شوفنا ف الرسم التصويري كدا ومع الوقت وصل لشكله الحالي دا…
ذهب يعني きん ودا نطق おんよみ، الـ くんよみ بتاعه اخدناه في كلمة قبل كدا
فاكرها؟ كلمة مال:dollar: おかね
かね الـ くんよみ بتاع كانجي دهب 金
فكلمة おかね بالكانجي هبقى بالشكل دا お金 و お حرف الإحترام الـ إحنا عارفينه.
金 بتكتب على 8 خطوات بالشكل دا …
4- وأخر كانجي معانا النهاردة هو 子 ومعناه طفل 
وكمان بتطلق على صغار الكائنات الحية بشكل عام، والكانجي دا جاي من شكل تصويري لطفل رضيع فارد درعاته كدا،هتقولي كب والشكل الـ تحت ماله كدا مش مبين رجله!!؟ هقولك إن الأطفال الرضع بيكونوا ملفوفين فرجليهم بتبقى مش باينه…
こ نطق くんよみ، فاكرة كلمة こども بمعنى طفل أو أطفال لو هنكتبها بالكانجي هتبقى كدا 子ども .
وكانجي 子 بيتكتب على 3 خطوات بالشكل دا، خلي بالك أول خطوتين بتكتبوا بشكل منفصل على مرتين مش ف خطوة واحدة
↤ قبل ما نتدرت تعال أقولك على حاجة ليها علاقة بقراءات الكانجي …
كانجي مياه水 لوحده قرائتهくんよみ↢みず
وكانجي حقل أرز 田 برضو لوحده قرائته くんよみ↢た
وهم الاتنين سوا 水田↢すいでん
すい↣おんよみ
でん↣おんよみ
تفتكر نستنتج اي من كدا ؟
ان الكانجي لما بيبقى لوحده ككلمه مستقلة بيتقال بقراءة くんよみ ، ولما بيبقى بيكون في كلمة مع كانجي تاني بيكون بقراءة おんよみ،ودا هتلاحظه في معظم الكانجي الـ أخدناه والـ هناخده… دي القاعدة العامة أو الـ بتبقى موجودة في أغلب الحالات بس دا ميمنعش إن في إستثناءات للقاعدة دي.
زي مثلاً الأسماء اليابانية طبيعي انها تتقال بالقراءة اليابانية くんよみ زي إسم 山田 الـ أخدناه قبل كدا.
وبرضو الكانجي الـ بيكون فيه قراءة الـ おんよみ ليه معنى مختلف عن قراءة الـ くんよみ،زي الكانجي الـ لسه واخدينه بمعنى ذهب… الـ おんよみبتاعه きん بمعنى ذهب، لكن الـ くんよみ بتاعه かね بمعنى مال،وهكذا والملام دا هتلاحظه بسهوله لما نمشي شوية أكتر في الكانجي، ومتقلقش مع الوقت هتتعود عليه.
-
ودلوقتي يلا نتدرب على الـ أخدناه-
-
↶انهي كانجي من دول معناه أرض!!
ひ 水 土
土 ونطقه つち 
↶اومال كلمةかざん معناها إيه؟بركان والكانجي بتاعها!
金 火山 水田
火山
↶طب وكانجي طفل أنهي ف دول! :
人 子 口
子 ونطقه こ
إقرأ الجملة دي كدا
山田さん車はあたらしです。
ومعنى الجملة: سيارة سيد يامادا الجديدة.
وبكدا نكون خلصنا درس النهاردة، أشوفك المرة الجاية بإذن الله
またね.