大家好,我是Ibrahim。你在看Taleek.
如果你现在不了解我,请不要担心
السلام عليكم ورحمة الله وبركاته أنا (ابراهيم عادل) وأنت دلوقتي بتتفرج على (طليق).
طبعًا طليق يعني أنك تتحدث بطلاقة فتصبح طليق وكمان تاخد الحرية اللي بتديهالك لغات تانية وفرص تانية فتصبح بالحياة حر طليق.
طليق هو تطبيق مجاني تقدر تنزله من متجر جوجل أو آبل وهتلاقي اللينك في أول تعليق لو أنت على يوتيوب.
تقدر تتعلم من خلاله خمس لغات من خلال دروس مبنية على بعضها من الصفر الى مرحلة الطلاقة. طيب، ده كورس تعليم اللغة الصينية اللي مناخدك فيه من البداية خالص وحدة وحدة لحد الاحتراف. خليني من البداية أخضك وقولك أن اللغة الصينية صعبة جدًا وما أظنش أنك هتقدر تتعلمها، خصوصًا كتابتها شبابيك كدة وأبواب ورسومات وحاجة كدة يعني أخر زهق، شوف عاملة إزاي؟
اوعى تكون صدقتني أنا بس بقولك أن ده اللي يشاع عن اللغة الصينية، وتقريبًا أنت جاي الحلقة دي وعندك الأفكار دي.
ولو تكملت مع أي حد أخد كورس صيني في أرقى مكان حتلاقي بيقولك احنا مبنتعلمش الكتابة والقراءة خصوصي في البداية، بص شكل الكتابة عاملة ازاي. فقط منتعلم نتكلم إنما قراءة وكتابة، لا دول مستحيل.
خليني بعد ما خضتك أفرحك وأقولك إن اللغة الصينية من أسهل لغات العالم، يا راجل! اه والله ومش بس كدة…
أنت تقدر تقول إنها توصل في السهولة لدرجة التفاهة، كمان خليني قولك إن أتفه حاجة فيها هي الكتابة، ودي هتتعلمها من البداية خالص.
حتكون بتعرف تقرأ وتكتب صيني، مش زي الناس اللي بتاخد كورسات بآلاف الجنيهات ومحدش بعلمهم القرآة والكتابة، أنت مختلف.
وكمان أحب الحلقات لقلبك حتكون حلقات الكتابة أصلًا حتستمتع بيها جدًا، دي لغة زي ما قولتلك من أسهل لغات العالم.
لا لا، أنت أكيد بتهزر أو بتبالغ شوية صح؟ أصله إزاي يعني، مش كدة؟ لا هو جد مش هزار
بص حقولك على كذا معلومة سريعة عن اللغة الصينية هتعرفك هية قد ايه لغة سهلة جدًا.
طبعًا احنا منعرف سهولة وصعوبة اي لغة لما تقارنها بلغتك أنت أو لغات تانية. هل تعلم؟ هل تعلم أن اللغة الصينية مفيهاش تصريفاتل الأفعال زي اللغة الانجلزية ولا حتى العربية مبنغيرش شكل الفعل عشان يكون حاضر أو ماضي لاهو بتعرف شكل واحد للفعل والشكل الواحد ده بيستمر معك بكل الأزمنة ، أظن راحة مفيش بعد كدة. وبمناسبة الأزمنة، هل تعلم إن الأزمنة باللغة الصينية تلاتة بس مش 12 مثلًلا زي اللغة الانجليزية يعني مش هنقعد نرهقك بزمن ماض تام وماض تام مستمر ولا ماض بسيط وهكذا، بتعرف حاضر ماضي، مستمروتبقى ملكوده أصلًا مفيش تشابه حتى بين الأزمنة يلخبطك زي اللغات اللاتينية، طب هل تعلم أن الكتابة اللي خوفوك منها دي هي أسهل حاجة بالدنيا مهياش فقط رموز لشبابيك وأبواب دي قصص جميلة القصص دي هعرفهالك بداية من النهاردة، ومن النهاردة أنت فعلًا هتكتب صيني من غير ما تتلغبط أيوة النهاردة من أول درس من بعد المقدمة على طول مش بالمستقبل البعيد خليك بس معايا وهتشوف. طب هل تعلم أن اللغة الصينية مفيهاش جمع يعني االكلمة بتفضل زي ما هي كدة مفرد أو جمع يعني مفيش اللغبة بتاعة s و es و ies ولا حتى بتاعة اللغة العربية بتاعة مذكر سالم ولا مؤنث ولا تكسير ولا أي حاجة من الكلام ده.
انت بتعرف الاسم واحد بس كدة وخلاص أنت كدة خلصت، سهلة صح؟ هل تعلم أن مفيش تذكير ولا تأنيث للمفردات في اللغة الصينية يعني مش زي العربي ولا الألماتي ولا الأسباني ولا زي اللغات اللاتينية، هذا مذكر هذه مؤنث، جميل يبقى مذكر جميلة تبقى مؤنث، مفيش مفيش الكلام ده خالص، منريح دماغنا جدًا. سامع واحد بعيد هناك بقولي أومال فاضل إيه في اللغة؟ صح عندك حق مفضلش حاجة وده اللي حندرسو مع بعض شوي الولا حاجة دول، وبداية من أول درس هتتكلم وتكتب صيني بإذن الله، ها حماس بقى؟ يلا تعالالي هتلاقيني مستنيك في أول درس اللي هعرفك في حاجات كتير عن اللغة الصينية وأعرفك إزاي تنزل الملخص المجاني وتبدأ تكتب صيني وتحسن خطك من أول درس يلا حماس بقى وأشوفك مع أول درس.
感谢您的观看，再见
شكرًا للمشاهدة والسلام عليكم ورحمة الله وبركاته.
2 Likes