أهلاً بيك في أقوى كورس في العالم لتعلم اللغة الإنجليزية. طبعاً انت سمعت الجملة دي تقريباً من كل بني آدم على النت، وبقى عندك شبه مناعة منها 
. معذور، ما هو كل حد بيمسك المايك 
يقول لك نفس العبارة. وانت لو مبتدئ جداً، انت معذور أكثر من أي حد. ولكن بعد كم حلقة بالزبط، إن شاء الله مش حتكون مبتدئ وهتعرف تفرق إذا كنت ماشي فعلاً مع حد هيوصلك إن شاء الله للمكان اللي انت عاوزه 
، ولا مع حد بيضحك عليك ويبيعلك كلام 
. زي ما بديع الزمان الهمداني بيقول:
(ستعلم حين ينجلي الغبار … أفرس تحتك أم حمار 
).
فانت لو مبتدئ، فانت حالياً في مرحلة الغبار 
، مش قادر تفرق، وممكن أي حد بسهولة كلامه يعجبك وتصدقه 
، وبعد كده يطلع مش كده، يطلع مش فرس ، يطلع الحاجة الثانية اللي بديع الزمان كان بيقول عليها . خليك معايا بقى وأنا أقول لك ليه الكورس ده “فرس” مش حاجة تانية، وكمان أعرفك احنا حنمشي مع بعض ازاي في الكورس ده.
السلام عليكم ورحمة الله وبركاته 
، أنا إبراهيم عادل وانت بتتفرج على “طليق” 
. كلمة “طليق” لو مستغربها، فهي الصفة اللي انت بتطلقها على حد بيتقن لغة ما، بتقول إنه طليق في اللغة دي 
، وده الهدف من التطبيق، إنك توصل لمرحلة الطلاقة الحقيقية 
. هتلاقي لينك التطبيق المجاني اللي فيه كل اللغات تحت في أول تعليق 
لو انت على اليوتيوب. حمله عندك واتعلم كل اللغات اللي انت عاوز تتقنها بأسهل طريقة 
. كمان الاسم مأخوذ من انك تكون عندك الحرية في التعلم والمعرفة والعمل والتنقل 
، انك تكون حر طليق.
طيب، نرجع بقه نكمل كلامنا عن الكورس 
. سواء انت طفل خمس سنين 
أو إنسان 150 سنة 
، الكورس ده علشانك. الكورس ده هيخليك تشرب اللغة الإنجليزية شرب كده 
ومن غير المذاكرة. أيوه، سمعتنا صح 
، من غير ما تذاكر! وينفع كده أصلاً من غير ما أذاكر؟ حتقول لي بقى اطلق المارد اللي جواك والكلام ده؟ لا طبعاً مش هقول لك كده، ولكن هنستخدم نظام في الدراسة هيخليك من أول يوم، ومن أول درس، تفكر بالإنجليزي 
.
متخيل معايا النقطة اللي أنا قلتها لك في ثانية واحدة 
؟ دي بتمثل معاناة ناس كثير لسنين طويلة 
. إنه ينقل اللغة اللي اتعلمها من عقله الواعي إلى عقله اللاواعي 
ويفكر بيها، ما يترجمش من راسه من لغة الأم الأول، وبعدين يركب الجملة 
، وفي النهاية يبدأ يقول الجملة. احنا هنمشي مع بعض إن شاء الله بأسلوب هيخليك تتكلم من أول يوم . من أول يوم حتلاقي تطور في الاستماع عندك 
، وحتلاقي تطور في اللهجة بشكل انت هتستغربه وهترجع تقول لي عليه 
.
لو عندك طفل في ابتدائي أو أعلى 
، خليه يقعد معك وانت بتتفرج. صدقني، هتلاقيه فاهم زيك بالضبط، وممكن كمان مستواه يتجاوزك أصلاً . كل اللغة اللي هتظهر معنا في الكورس وكل المقاطع وكل الأمثلة، بيراعى فيها الرقي وعدم الإخلال 
. فتقدر حتى لو انت مشغول تسيب طفلك يتفرج بدون ما تحمل أي هم 
. افتح له الأبليكيشن على موبايل 
، هتلاقي اللينك في أول تعليق، افتح له التطبيق وسيبه هو يتعامل .
طيب، نجي للسؤال المهم 
: إيه نظام الكورس ده؟ إيه طريقة الشرح فيه؟ وإيه طريقة المتابعة للخروج بأقصى استفادة 
؟ ممتاز جداً، أسئلتك حلوة 
. احنا عندنا ست مستويات في كل لغة على التطبيق 
، سواء إنجليزي، فرنسي، صيني، ألماني، أو إسباني. بنراعي المعايير العالمية في تحديد المستوى 
. يعني بنبدأ A1، ثم بنعلى شوية لـ A2. بعد كده بيكون خلصنا مرحلة المبتدئ ، بعد كده مرحلة المتوسط بتبقى B1، ونعلى بها شوية تبقى B2، ثم ندخل بعد كده على مرحلة المتقدم C1 وC2 
. يبقى المجموع معانا ست مستويات في كل لغة.
على عكس ما كنا بنعمل قبل كده في “زي أمريكان إنجلش” 
، المستوى مش حنقسمه كورسات، حنقسمه وحدات 
، وده في كل لغة. ازاي بقى؟ وايه الفرق؟ في “زي أمريكان إنجلش”، انت كنت بتدخل المستوى الأول مثلاً، تلاقي فيه كورس مخصص للقواعد 
بتاع المستوى الأول، كورس مخصص للقراءة ، كورس مخصص للاستماع ، وهكذا. كنا بناخذ كل مهارة لوحدها في معزل عن باقي المهارات، ونركز عليها هي. والنظام ده مع ما فيه من قوة 
وإيجابيات، إلا أن ناس كثير جداً كانت تحتاج خطة دراسة ويبدأ يسأل: هل أبدأ الأول بالصوتيات 
ولا القراءة ؟ وبعد ما أخلص الكورس الفلاني، ايه أفضل كورس أبدأ به بعده؟ وهكذا.
فلك أن تتخيل طبعاً الإرهاق الذهني اللي ممكن ده يسببه للمتلقي ، خصوصاً لما نيجي في مستوى معين مثلاً، وتلاقيني في وسط الشرح بقول لك: النقطة دي أنا شرحتها لك قبل كده في الكورس الفلاني . طيب، الكورس الفلاني ده ممكن تكون انت أصلاً ما وصلتلولوش، فكان ممكن تتوه 
. طيب، عاش جداً، حلو إننا مش حنعمل كده في الكورس الجديد 
. بس ايه بقى نظام الوحدات ده؟ ده بقى يا سيدي نظام حيريحك في كل حاجة 
. بنمسك المستوى من دول ونقسمه إلى وحدات 
، كل وحدة بتبني عندك حصيلة لغوية 
. الوحدات المتقدمة أكثر بتركز على كل المهارات داخل الوحدة الواحدة . ممكن تلاقي الدرس رقم واحد كلمات ، الدرس رقم اثنين قواعد ، الدرس رقم ثلاثة صوتيات 
، الرابع قراءة ، وهكذا. كل الدروس داخل نفس الوحدة بتخدم نفس الموضوع بترتيب ممتاز جداً 
.
يوجد تكملة للنص part2
