انا بدات في طليق وكنت ماشي كويس جدا و اللغه كانت تدخل عقلي و كنت احل الاختبار كويس جدا و بسرعه
كنت بعرف اتعامل بيها ، خلصت مستوى a1 كله
حصل لي تعب و عملت عمليه و بعدت عن اللغه ٣ اشهر
ثم عاودت مرة أخرى و بدات من اول حلقه في a1
وخلصت a1 كله و تعبت مرة اخرى و دخلت في عمليات و بعدت عن اللغه ٥ اشهر
ثم عاودت مرة أخرى وخلصت a1 من اول وجديد بمعدل كل يوم حلقه لحد نهاية a1 ، مش هتصدقوا
ان عملت تاني عمليه جراحيه حرجه و دخلت ف مرحله اكتئاب شديده ، بعدت عن اللغه ٨ اشهر
الان بدات بداياً من الوحده الخامسهa1 بمعدل حلقتين كل يوم
انهيت الوحده الخامسه
ازيك يا مصطفى عامل ايه
شفاك الله وعفاك ، لا بأس طهورٌ إن شاء الله💙
بمناسبة انقطاعك عن اللغة كل فترة ، أحب أقولك إنك مش لوحدك… أنا حرفيا أوقات بقطع سنة أو اكتر خاصة مع دراسة وغربة ، الحمدلله بدأت ارجع تاني وفيه ناس جميلة هنا في المنتدى يساعدوك في أي حاجة حرفيا فده دعم معنوي ليك إنك تستمر لإنك مش لوحدك.
بمناسبة صعوبة اختبار الوحدة ، يا صديقي ده طبيعي لإن مع التقدم في مستويات اللغة هتلاقي الاختبار أصعب… أنا أوقات بعيد الفيديوهات في الوحدة من الأول عشان أحل الاختبار صح وأوقات بذاكره عشان المعلومات تثبت معايا.
فكرة التعامل باللغة ده طبيعي إحنا لسه فالبداية واستاذ إبراهيم إن شاء الله هيضيف محادثة مع روبوتات شبيهة بالواقع عشان نتمرن عليها ونطبق اللغة ، ولو حاجة نسيتها ارجع تاني واسمعها مش عيب… هتفضل تنسى وتراجع لحد ما توصل لهدفك🎯.
استمر حتى لو بسيط ، فقليل دائم خير من كثير منقطع…
استمر يا بطل واوعي تزعل من اللي حصلك وافتكر دايما قول النبي صلى الله عليه وسلم
“إن الله إذا أحب عبدا ابتلاه”
إن شاء الله تقوم بالسلامة ودايما منورنا في المنتدى:people_hugging:
الف سلامه عليك
كلنا كده حرفيا مش لوحدك
انا بعد انقطاع سنتين قررت ارجع
وانت شكلك مثابر
انا من راي بما ان الدروس مفتوحه كده كده
وانت خدتها كذا مره راجع عليهم تاني ممكن تراجع علي اربعه في اليوم
وبجد مش هياخد وقت منك خالص ده غير ان في حلقات كتير مراجعه
فطلام انت مش فاكر و حاسس ان مستواك قل فالمراجعه شئ اساسي و ضروري
هو مش بكميه الحلقات الي وصلتها الفكره انت بتستفاد فعلا ولا لا
شفاك الله وعفاك اخي. لا تكتئب ده طبيعي أن تجد صعوبة عند الرجوع للغة مرة أخري بعد فترة غياب لكن مع بعض المجهود البسيط لمراجعة بعض المفاهيم الأساسية هتلاقي نفسك بدأت تتذكر اشياء كثيرة. لاتتعمق في الأشياء عند المراجعة فقط المفاهيم الاساسية
السلام عليكم
اتمنى تكون بافضل حال يارب
هرجع اقولك وأن ليس للانسان الا ما سعى واكيد الله عز وجل عمره ما يضيع تعب حد بيحاول يعافر انت شخص مكافح ما شاء الله عليك وده طبيعى يحصل بس معاك شوية كدة لكن صدقنى هتلاقى نتيجة تعبك ده قدام وهتفرح كتير اما بالنسبة للغة فطبيعى بس عشان اكمنك بتبعد شوية لكن صدقنى لما بترجع بترجع اقوى من الاول واحسن كمان احنا بنبقى ذات نفسنا بنرجع للوحدات السابقة تانى عشان نراجع كل فترة عشان المعلومات متتنسيش وربنا يقويك يبطل وان شاء الله ترجع لمستواك وافضل من كدة كمان:muscle:
