وفي نهاية كل وحدة بتلاقي اختبار على كامل الوحدة، لو تجاوزت الاختبار ده تقدر تروح للوحدة الثانية وتدرس المهارات اللي فيها. مفيش أي لخبطة، ولا تحتاج خطة. بتخرج من كل وحدة وانت فعلًا حاسس إنك مشيت مشوار كويس جدًا في تعلم اللغة. فاكر لما قلتلك من شوية إنك حتقدر تتقن اللغة الإنجليزية بطلاقة من غير ما تذاكر؟ 
للأسف الشديد، في بعض منكم مش حيحقق ده معاه، الأسطورة بتقول كده 
، لأني مش كل الناس بتسمع الكلام. أنا ببني لك بطريقة معينة وبخاطب مناطق معينة في دماغك 
، وأقول لك علشان توصل للنتيجة اللي انت عاوزها دي اعمل كذا، يقوم البعض يقلك: “لا مش هعمل كده” 
، يقوم ما يوصلش. فلو عاوز فعلاً ما تذاكرش، إذا المطلوب منك 3 حاجات، 3 حاجات بس 
. لو عملتهم، صدقني مش محتاج تضيع أي وقت في المذاكرة. دماغك حتتشرب اللغة بسرعة 
. طيب إيه هم الثلاث حاجات دول؟
أول حاجة: عاوزك تذاكر باجتهاد جدًا 
… بهزر طبعًا، ما تزعلش. مش كده. أول حاجة، الانتباه جدًا أثناء الدرس 
. لو لقيت نفسك مش منتبه أو ذهنك مرهق 
، خذ فاصل، جدد نشاطك وبعدين نبدأ الدرس. أهم نقطة هي دي.
ثاني حاجة من الثلاثة هي إنك تتكلم بصوت عالي 
. الدروس معظمها تفاعلي، حقول لك: جاوب انت عن كذا، ردد كذا، اسأل وقول كذا 
. صدقني، مش هكون أبدًا محتاجك تجاوب جوه عقلك ولا حيفيدك بأي حاجة إنك تجاوب جوه عقلك. لازم، بقول لك لازم تجاوب بصوت عالي 
، وإلا مش هتلاقي الأثر اللي انت عاوزه. ثاني، بكرر معلش: ما ينفعش ما تجاوبش بصوت عالي. اللهم هل بلغت
ثالث حاجة: اوعى تعدي الدرس وتروح اللي بعديه على التطبيق إلا لما تكون متأكد إنك فعلًا فهمت كله 
. لو عندك حاجة مش واضحة أو عاوز تأكد عليها، اعمل كده قبل ما تنتقل للدرس اللي بعديه 
. هيحصل معاك، وحتشوف إنك متحمس جدًا وعاوز تعدي درس والتاني والثالث 
. اعمل كده فقط لو انت متأكد 100% من الدرس اللي انت هتتخطى.
لو طبقت الثلاث نصائح دول، أضمن لك بإذن الله إنك مش هتحتاج تذاكر وهتلاقي اللغة في عقلك اللاواعي وبتفكر بها من أول يوم 
. بس يا سيدي، ما تخلينيش أطول عليك أكثر من كده. حماس بقى ويلا نبدأ أول درس مع بعض 
! لو انت على التطبيق، حتلاقيني مستنيك هناك 
.
شكراً للمشاهدة ، والسلام عليكم ورحمة الله وبركاته 
.
