Merhaba arkadaşlar 
وأهلاً بيك مرة تانية بعد ما عرفنا الحروف التركية كلها المرة اللي فاتت
النهاردة هنتكلم عن الحروف المتحركة وسعات بــيُقال عليها الحروف الصوتية ،الأتنين واحد بس الأختلاف مسميات 
.
تعالى نعرف المرة دي ايه هي الحروف المتحركة وازاي بتقدر تتحكم في طريقة نطق الكلمة .
مبدئياً اللغة التركية لغة بتحافظ جداً على التوافق الصوتي اللي فيها 
،يعني ايه توافق صوتي 
؟
يعني الحروف الصوتية المتحركة هي اللي بتتحكم في في تلفُظ أو طريقة نطق الكلمة 
،
ازاي ده بيحصل ؟
بيحصل مع أول حرف صوتي في الكلمة ،لو هو حرف صوتي ثقيل يبقي كل الحروف اللي هتيجي بعديه تقيلة ؛
علشان رتم الكلمة يكون واحد 
.
ولو أول حرف صوتي في الكلمة خفيف يبقي بقية الحروف الصوتية في الكلمة كلها هتكون خفيفة ؛علشان بردوا تلفُظ الكلمة
يكون فيه توافق 
.
طيب لو لقينا أي كلمة فيها حروف صوتية متحركة تقيلة و خفيفة مع بعض يبقي في الأغلب هي مش تركية الأصل و متاخدة من لغة أجنبية تانية 
الحروف المتحركة أو كما يُقال لها الحروف الصوتية في اللغة التركية 8 حروف زي ما شايفين على الشاشة
عندنا 4 منهم حروف متحركة أو صوتية ثقيلة ،وفي مقابلهم بردو 4 حروف متحركة أو صوتية خفيفة ودول هما تقسيمتهم مع بعض.
الحروف الصوتية الثقيلة أو الحروف المتحركة الثقيلة الأربعة منهم هما حروف الــ 
:
- A a
- I ı
- O o
- U u
و المقابل بتاعهم في الحروف الصوتية الخفيفة أو المتحركة الخفيفة هما 
:
- E e
- İ i
- Ö ö
- Ü ü
هقولها تاني وحاول تقولها معايا 
…
A a
I ı
O o
U u
E e
İ i
Ö ö
Ü ü
مهم وضروري جداً تكون عارف النطق الصحيح للحروف المتحركة 
؛لأن خطأ بسيط مثلاً مابين حرف الـــــ"U" و الــــــ"Ü" ممكن يغير معني الكلمة تماماً 
،وفي بعض الأحيان كمان ممكن تتفهم غلط أو اللي قدامك يكون مش عارف انت تقصد ايه بالضبط 
… فا تعالى نراجع عليهم مرة كمان .
الحرف ده بننطقه ازاي ؟ حاول تقوله …
(أه) بالضبط 
طيب وده ؟
( ايه )
طيب ده بنقرائه ازاي ؟
اللي زيه بقي وعليه نقطة بننطقه ازاي ؟
( إي )
وده بننطقه ازاي ؟
(O)
وده كمان:
برافو عليك (أووو)
بالضبط كده (Ü)
طيب تعالو بقي نشوف تطبيق للكلام ده 
الحروف الصوتية الثقيلة بالتركي يعني:
–Kalın sesli harfler–
-و أول مثال على ده معانا هو كلمة “Ada” أخدنا قبل كده يعني “جزيرة” 
زي ما شايفين في أول كلمة معانا “Ada” أول حرف هو حرف الـــ(A) واللي يُعتبر حرف صوتي أو متحرك ثقيل ،وعشان يكون في توافق صوتي في الكلمة فا لازم كل الحروف الصوتية اللي بعده تكون حروف صوتية ثقيلة بردو 
،زي ما شايفين على الشاشة
-معانا كمان في كلمة “Işık” بدأت بحرف صوتي ثقيل واللي هو الـــ(I) فا بالتالي الحرف الصوتي اللي بعده كمان جه ثقيل .
الترجمة:(ضوء)
-مثال كمان في كلمة “طائرة” يعني “Uçak” 
بدأت بحرف صوتي ثقيل وهو حرف الـــ(U) علشان كده الحرف الصوتي اللي بعديه جه كمان ثقيل اللي هو حرف الـــ(A) .
أما بالنسبة للحروف الصوتية الخفيفة اللي هي بالتركي يعني:
–İnce sesli harfler–
-عندنا كلمة “Ördek” 
أول حرف صوتي فيها هو جرف الـــ(Ö) واحنا خلاص عرفنا ان ده حرف صوتي خفيف وبالتالي الحرف الصوتي اللي جه بعديه هو حرف الـــ(e) جه كمان خفيف
-كمثال كما عندنا كلمة “Üzüm” 
أول حرف صوتي فيها هو حرف صوتي خفيف وهو حرف الـــ(Ü)
علشان كده الحرف الصوتي اللي جه بعديه كمان خفيف .
-زي بالضبط كلمة “Güneş” 
أول حرف صوتي فيها هو حرف الـــ(ü) وبما انه حرف صوتي خفيف فا تحكم في بقية نطق الكلمة انها تكون خفيفة ،زي الحرف الصوتي اللي بعديه وهو حرف الــــ(e) فالكلمة كله نطقها بقى خفيف .
بالنسبة بقى لحرف الـــ(Ğ ğ) اللي أدتكم نبذة عنه أول درس ،فا ده نطقه بيختلف على حسب الحروف الصوتية اللي موجودة في الكلمة ،زي كلمة “Ağaç” 
لو الحروف الصوتية أو المتحركة جت تقيلة فا بننطقه بالشكل ده
(A -aaç)
انما لو الحروف الصوتية أو المتحركة جت خفيفة فا بننطقه كده “Öğrenci” 
نطقه بيكةن زي حرف الـــ(Y)
بكده احنا نكون اخدنا كل ما يتعلق بالحروف التركية .
طيب لو أنت عايز تتعرف على حد تركي أول مرة هتقوله ايه وتتكلم معاه ازاي ؟
تعالى نعرف …
* Merhaba
- Merhaba
*Benim adım Şeyma.
Sizin adınız ne ?
-Benim adım Fatma.
Memnun oldum
*Ben de memnun oldum.
Görüşürüz
-Güle güle
ده كان ديالوج قصير وبسيط يعرفنا ازاي نقول اسمنا ونعرف أسم اللي بنتعرف عليه ،ونقولهم اننا سعداء بمعرفتهم
تعالى نعيد عليه مرة تانية ونتدرب على طريقة نطق الجمل:
* Merhaba
Benim adım Şeyma.
Sizin adınız ne ?
-Benim adım Fatma.
Memnun oldum
*Ben de memnun oldum.
Görüşürüz
-Güle güle
وبكده نكون خلصنا مع بعض درس النهاردة 
أتمني ان انت تكون أستمتعت بالدرس 
،وتراجع على المعلومات اللي أخدناها المرة اللي فاتت 
،ونبدأ مع بعض درس جديد المرة الجاية
Görüşürüz
